
Si ta largoni dhimbjen e kokës me 6 lëvizje të thjeshta!
Dritare.net
Sipas Organizatës Botërore të Shëndetësisë, rreth 50% e të rriturve në mbarë botën kanë përjetuar dhimbje koke vitin e fundit dhe rreth 30% vuajnë nga migrena. Nuk është një simptomë e thjeshtë, por një dhimbje e aftë të të shqetësojë ndjeshëm dhe të mos të lejojë të përballosh detyrimet e përditshmërisë. Pavarësisht nëse zgjat më pak apo më shumë dhe sa e fortë është dhimbja, patjetër që po kërkoni lehtësim. Këtu janë gjashtë praktika që mund të zbatoni për të reduktuar shpeshtësinë dhe intensitetin e dhimbjeve të kokës me vulën e miratimit nga ekspertët e Mayo Clinic:
1. Ushtrohuni rregullisht!
Ushtrimi është i mirë për trupin, por edhe për trurin. Është ndoshta ndryshimi më efektiv i stilit të jetesës për reduktimin e sulmeve të dhimbjes së kokës. Ai lehtëson stresin dhe redukton tensionin që mund të shkaktojë dhimbje koke.
2. Kufizoni kafeinën!
Disa medikamente kundër dhimbjes së kokës pa recetë përmbajnë kafeinë. Në të vërtetë, një sasi e vogël mund të ndihmojë në lehtësimin e dhimbjes së kokës. Megjithatë, përdorimi i lartë i kafeinës rrit presionin e gjakut dhe mund të shkaktojë dhimbje koke. Pijet e gazuara dhe pijet energjetike janë shpesh të pasura me kafeinë, kështu që bëni kujdes me konsumimin e tyre. Çdo reduktim mund të ndihmojë, ndaj synoni jo më shumë se një filxhan kafe ose çaj në ditë.
3. Hani një dietë të shëndetshme!
Disa njerëz me dhimbje koke kronike ose migrenë kanë gjetur lehtësim duke ndryshuar dietën e tyre, duke eliminuar disa ushqime që mund të jenë përgjegjëse për dhimbjet e kokës. Kontrolloni përbërësit e ushqimit, pasi shumë prej tyre përmbajnë gluten, sheqerna, natrium, konservues, ngjyra dhe shije artificiale. Për disa njerëz, zëvendësimi i ushqimeve të përpunuara me opsione më të shëndetshme ka ofruar përmirësim të dukshëm. Për më tepër, një multivitaminë ditore, si dhe suplementet e riboflavinës dhe magnezit mund të ndihmojnë në lehtësimin e dhimbjeve të kokës.
4. Shmangni alkoolin, duhanin dhe drogën!
5. Bëni gjumë adekuat dhe cilësor!
Gjumi është një komponent i domosdoshëm i mirëqenies, prandaj gjumi adekuat dhe cilësor mund të kontribuojë ndjeshëm në reduktimin e sulmeve të dhimbjes së kokës. Në përgjithësi rekomandohet që të flini rreth 8 orë gjumë çdo natë, por në çdo rast e rëndësishme është që të flini aq sa ju nevojitet për t'u ndjerë funksionalë gjatë ditës. Shmangni shumë ose pak gjumë, pasi kjo mund të shkaktojë migrenë.
6. Menaxhoni stresin!
Stresi do të shkaktojë dhimbje koke, kështu që bëni aktivitete që ju relaksojnë dhe largojnë stresin. Dhimbja e kokës ka më shumë gjasa të ndodhë kur jeni të stresuar, kështu që bëni atë që mundeni për të kontrolluar stresin. Gjeni kohë për t'u kujdesur për veten.
Lajmi i mirë është se këto ndërhyrje në stilin e jetës do t'ju mbrojnë jo vetëm nga dhimbja e kokës, por edhe nga sëmundje të tjera shëndetësore, duke përfshirë sëmundjet e zemrës, depresionin, diabetin e tipit 2 dhe presionin e lartë të gjakut./K.C/dritare.net

















