Medalja e artë në Lisbonë për talentin shqiptar Dardan Spahia, Ministrja Kumbaro: Bravo kampion!
E Mërkurë 28 Janar 2026, 12:12
Dritare.net
Dardan Spahia, nxënës i gjimnazit “Petro Nini Luarasi”, u kthye nga Lisbona me medaljen e artë në Kampionatin Europian të Jiu-Jitsu Brasilian, duke garuar në kategorinë U18 kundër sportistëve më të mirë të Europës.
Ministrja e Arsimit, Mirela Kumbaro, shprehu krenarinë e saj për Dardanin, duke theksuar se talenti, pasioni dhe disiplina kur ecin së bashku sjellin vetëm fitore.
Ky sukses është një shembull frymëzues për të rinjtë shqiptarë dhe për forcat e reja që punojnë për të arritur majat në sport dhe në jetë.
"Një tjetër medalje ari vjen në Shqipëri nga nxënësit tanë. Dardan Spahia nga gjimnazi “Petro Nini Luarasi”, një kampion i arteve marciale, u kthye nga Lisbona me medaljen e artë në Kampionatin Europian të “Jiu-Jitsu Brasilian” duke garuar mes sportistëve të Europës në kategorinë U18 Krenarë për nxënës si Dardani, forca e shembullit që kur talenti, pasioni dhe disiplina ecin së bashku, ka vetëm fitues", shkruan ministrja Kumbaro në rrjetet sociale./L.F-dritare.net
