Si u ndërtua Porto Palermo me provën e bombës bërthamore të Hiroshimës!
E Diel 31 Gusht 2025, 17:05
Dritare.net
Në brigjet e jugut të Shqipërisë, i fshehur mes maleve dhe detit Jon, ndodhet një nga veprat më të mëdha ushtarake dhe inxhinierike të ndërtuara ndonjëherë në Ballkan kompleksi nëndetar i Porto Palermos.
Inxhinierë, ish-oficerë, palombarë dhe ndërtues të kësaj strukture ndër ta Xhorxhi Koçi, Qemal Zyfi, Bashkim Salillari, Lefter Alushi, Vilson Kulla, Ilirjan Tahmazi, Aleksandër Mihali dhe Gëzim Bakiu rrëfejnë për gazetaren Rudina Xhunga historinë e fshehur të Porto Palermos. Dhe një detaj befasues: projekti është ndërtuar për të përballuar një sulm të nivelit të Hiroshimës.
Po, sipas inxhinierëve dhe dokumenteve të kohës, tuneli numër një i Porto Palermos ku fshiheshin nëndetëset ishte projektuar dhe testuar me përllogaritje që të përballonte një shpërthim bërthamor të përmasave të Hiroshimës. Struktura nëntokësore, me 20 tunele, përfshin depo municionesh, depo karburanti, vendstrehime, sisteme ajrimi dhe mbrojtjeje ajrore – të gjitha të fshehura nën dhjetëra metra shkëmb, beton dhe hekura.
Ndërtuar fillimisht me ndihmën e kinezëve për katrasilurusët (nëndetëse ruse të tipit të vjetër), Porto Palermo u përshtat më vonë për të pritur 4 nëndetëset shqiptare. 8 tunele ndodhen në zonën e gjirit, ndërsa 12 të tjerë janë të shpërndarë në Vlorë, Pilur, Peshkëpi dhe në zonat strategjike përreth.
Në këtë vlog, zbulojmë pamje ekskluzive, rrëfime të papublikuara më parë dhe dëshmi të atyre që e ndërtuan, gur më gur. Ndiqni emisionin për të parë më shumë:
