Cristiano Ronaldo paditet për reklamat e kriptomonedhave!
E Premte 1 Dhjetor 2023, 09:09
Dritare.net
Futbollisti Cristiano Ronaldo po përballet me një padi kolektive në SHBA për promovimin e tij të Binance, shkëmbimit më të madh të kriptomonedhave në botë.
NFT-të janë një formë e artit dixhital me nivele të ndryshme unike dhe gama e Ronaldos përmbante statuja të animuara që përshkruanin momente ikonike në jetën e tij. Disa nga koleksionet më të rralla ishin shitur deri në 10,000 dollarë (7,900 £) por klientët e pakënaqur pretendojnë se miratimi i tij i shtyu ata të kryenin investime të kushtueshme dhe të pasigurta. Kjo padi vjen një javë pasi Binance arriti një marrëveshje prej 4 miliardë dollarësh (3.2 miliardë £) me rregullatorët amerikanë, duke shkaktuar dorëheqjen tronditëse të Changpeng Zhao si CEO, citon Sky News.
Miliarderi, i njohur si CZ, është deklaruar fajtor për shkeljen e ligjeve kundër pastrimit të parave dhe mund të përballet me burgim kur të dënohet vitin e ardhshëm. NFT-të janë asete virtuale që mund të blihen dhe shiten, por që nuk kanë formën e tyre të botës reale, pra ato ekzistojnë vetëm në mënyrë dixhitale. Në përgjithësi, ato përdoren për të shënuar pronësinë e diçkaje, si një fotografi ose video në internet. Thuhet se kërkimet në internet për Binance u rritën me 500% pasi u njoftua koleksioni i futbollistit dhe tokenat e tij premium jo të këmbyeshëm u shitën brenda një jave. Paditësit pretendojnë se Ronaldo duhet të kishte zbuluar se sa ishte paguar për partneritetin e profilit të lartë.
Ronaldo dhe Binance ende nuk kanë komentuar publikisht mbi padinë - dhe vetëm dy ditë më parë, ish-lojtari i Manchester United tha se po përgatiste diçka risi për NFT.
Kjo nuk është hera e parë që të famshëm përballen me veprime ligjore për lidhjet e tyre me firmat e kriptove, me industrinë e tronditur nga një mori falimentimesh dhe skandalesh./M.K-dritare.net
