Nga rrebeshe shiu tek ditët me diell, java sjell surpriza. Si do të luhaten temperaturat!
E Hënë 6 Nëntor 2023, 14:02
Dritare.net
Këtë javë vendi ynë do të ndikohet nga kushte atmosferike kryesisht të qëndrueshme pasi në pjesën më të madhe të ditëve pritet mot me kthjellime e alternime vranësirash kalimtare. Por nuk do të mungojnë edhe reshjet e shitu të cilat për ditën e Mërkurë pritet të jenë me intensitet të lartë.
Sipas parashikimit nga SHMU, sot dhe nesër moti parashikohet kryesisht me kthjellime e alternime vranësirash kalimtare të cilat do të shoqërohen me reshje shiu e shtrëngata afatshkurtra për pjesën më të madhe të ditës.
Dita e mërkurë do të jetë më vranësira mesatare e të dendura duke nisur fillimisht nga veriperëndimi për tu shtrirë në të gjithë territorin. Reshjet e shiut me intensitet mesatar dhe të lartë do të jenë prezente që në orët e para të mëngjesit fillimisht në veriperëndim të vendit më pas në pjesën më të madhe të territorit. Reshjet do të jenë në formën e rrebesheve të shpejta e stuhive afatshkurtra me shkarkesa të forta elektrike dhe breshër. Në orët e mbrëmjes intensiteti i reshjeve bie dhe bëhen të herëpashershme me intensitet të ulët dhe lokalisht mesatar në formën e shtrëngatave.
Për ditën e enjte moti pritet me kthjellime e alternime vranësirash kalimtare. Moti parashikohet me vranësira deri të dendura si dhe intervale të shkurtra me diell. Reshje shiu të herëpashershme me intensitet të ulët ndërsa në zonën e qendrës dhe jug reshjet në mënyrë të herëpashershme me intensitet deri mesatar në formën e shtrëngatave./M.K-dritare.net
