Engjëlli me "fytyrën" e Melonit fshihet nga kisha
E Mërkurë 4 Shkurt 2026, 12:12
Dritare.net
Në mbrëmjen e djeshme u ndryshua piktura e vendosur në kishën San Lorenzo in Lucina. Vepra, objekt i një restaurimi të përfunduar në vitin 2025, portretizonte një engjëll me tipare që disa i lidhën me kryeministren Giorgia Meloni. Në ndërhyrje u përfshi restauratori Bruno Valentinetti, i cili shpjegoi arsyet e vendimit: “E kam mbuluar sepse ma kërkoi Vatikani”. “Dje në mbrëmje e fshiva,” tha ai, duke u cituar nga Repubblica: “Vazhdoj të them se nuk ishte kryeministrja.”
Pas heqjes së figurës, plani është ripërtëritja e dekorimit origjinal.
Veprimi ka nxitur edhe reagime politike: e majta e ka komentuar si një shfaqje të ndikimit të “regjimit”.
Ngjarja ka sjellë edhe një qëndrim zyrtar nga autoritetet kishtare. Kardinali Baldo Reina, pas marrjes së lajmit, publikoi një komunikatë duke theksuar: “Me vendosmëri rikujtoj se imazhet e artit të shenjtë dhe traditës kristiane nuk mund të jenë objekt përdorimesh të papërshtatshme ose instrumentalizimesh, pasi janë të destinuara ekskluzivisht për të mbështetur jetën liturgjike.”
Gazetarja Rudina Xhunga ishte në Bazilikën San Lorenzo in Lucina, ku tregoi se kisha është mbushur me turistë, të nxitur nga kjo vepër! Shikoni videon më poshtë me pamjet e fundit para heqjes!
View this post on Instagram
