Nata e Vitit të Ri u kthye në tmerr! Çfarë tregon një adoleshent që i shpëtoi zjarrit në Zvicër!
E Premte 2 Janar 2026, 10:10
Dritare.net
Një tragjedi e papërshkrueshme ndodhi gjatë festës së Vitit të Ri në barin Le Constellation në Alpet e Zvicrës. Një zjarr i shpejtë dhe i egër la pas të paktën 40 të vdekur dhe rreth 115 të plagosur, ndërsa disa persona, përfshirë adoleshentë, mbeten të zhdukur.
Mes tyre është edhe Axel Clavier, 16 vjeç nga Parisi, i cili arriti të shpëtojë duke përdorur një tavolinë për të thyer një dritare dhe për të ikur nga flakët. Ai tregoi për Associated Press tmerrin që përjetoi, duke fshehur veten nën një tavolinë dhe duke luftuar për të marrë frymë. “Një nga miqtë e mi vdiq, dhe disa të tjerë janë ende të zhdukur,” tha ai me zë të dridhur.
Clavier kujtoi momentet para shpërthimit të “kaosit total”: kamerierët kishin ardhur me fishekzjarre në shishe shampanje, dhe brenda pak çastesh atmosfera u shndërrua në tmerr. Gjatë arratisjes, ai humbi gjithçka xhaketën, këpucët, telefonin dhe kartën bankare por tha: “Jam ende gjallë… Jam ende në shok.”/CNN
