Protesta kundër projektit në Zvërnec, qytetarët marshojnë drejt bulevardit
E Hënë 8 Qershor 2026, 18:06
Dritare.net
Ka nisur në Sheshin Skënderbej dita e nëntë e protestës së qytetarëve kundër projektit të planifikuar në Zvërnec.
Ashtu si në ditët e mëparshme, protestuesit janë grumbulluar në shesh për të vijuar tubimin e tyre, ndërsa më pas pritet të marshojnë përgjatë Bulevardit “Dëshmorët e Kombit”.
Qytetarët kundërshtojnë projektin duke shprehur shqetësime për ndikimin e tij në mjedis dhe në ekosistemin e zonës së mbrojtur të Lagunës së Nartës. Protesta po zhvillohet për të nëntën ditë radhazi, ndërsa organizatorët kanë bërë thirrje për pjesëmarrje dhe vijimin e reagimit qytetar./dritare.net
