Trump propozon çmimin $150 për ilaçet për humbje peshe, por ekspertët janë skeptikë
E Premte 24 Tetor 2025, 13:01
Dritare.net
Presidenti Donald Trump tha së fundmi se çmimi i ilaçeve të njohura GLP-1 për humbje peshe, si Ozempic dhe Wegovy, mund të zbresë në 150 dollarë në muaj. Deklarata u bë gjatë një konferencë në Zyrën Ovale, ndërsa Dr. Mehmet Oz paralajmëroi se negociatat nuk ishin përfunduar.
Reagimet ishin të menjëhershme: pacientët shpresuan për ulje çmimi, mjekët e konsideruan një lajm të madh për pacientët, ndërsa aksionet e kompanive prodhuese ranë ndjeshëm.
Aktualisht, ilaçet kushtojnë rreth 1,000 dollarë në muaj pa sigurim, dhe mbulimi për humbje peshe shpesh është i kufizuar. Disa pacientë, si Janet McCaskill nga Karolina e Veriut, përdorin versionet e përbëra të ilaçeve për të përballuar çmimet e larta.
Ekspertët paralajmërojnë se çmimi $150 mund të jetë i vështirë të arrihet në një kohë shkurtër, dhe versionet e përbëra mund të kenë rreziqe për sigurinë. Megjithatë, nëse ilaçet e markës do të ofroheshin me këtë çmim, qasja për pacientët do të përmirësohej ndjeshëm./L.F-dritare.net
