Terapia për Alzheimerin mund të gjendet te kjo organelë që kemi në trup!
E Mërkurë 12 Prill 2023, 18:06
Dritare.net
Ilaçi për Alzheimerin mund të gjendet në mitokondri. Vitet e fundit, kërkimet mbi sëmundjet neurodegjenerative dhe demencën kanë nxjerrë në pah rolin qendror të këtyre organeleve që gjenden në qelizat tona dhe i furnizojnë ato me energji. Për fat të keq, sot nuk ka ende një terapi të aftë për të kuruar ose bllokuar përparimin e Alzheimerit, sepse nuk ekziston një model global molekular i aftë për të shpjeguar të gjitha ndryshimet e ndryshme të vërejtura në sëmundje. Një hap përpara në të kuptuarit se si funksionon sëmundja u bë kur u kuptua se akumulimi i proteinave beta amiloide dhe tau që çojnë në rënie konjitive shoqërohet me ndryshimin e prodhimit të energjisë në nivel qelizor. Me pak fjalë, duket se, me kalimin e moshës, mitokondritë nuk funksionojnë më siç duhet. Mitokondritë janë të rëndësishme për trurin i cili, megjithëse përfaqëson 2% të peshës së trupit tonë, përdor 20% të energjisë sonë. Truri ka nevojë për shumë energji për të kryer mirë funksionet e tij dhe është pikërisht për këtë arsye që çdo neuron mund të përmbajë mijëra mitokondri, përcjell dritare.net
"Kur një patologji neurodegjenerative bëhet e dukshme, ne e dimë se do të regjistrojmë një funksion të ndryshuar në qelizat e trurit dhe mitokondritë sigurisht që luajnë një rol në këtë - shpjegon Rainero -. Mitokondritë tashmë janë duke frymëzuar terapi të reja emocionuese, kjo sepse ato mund të jenë të moduluara me barna dhe po, mund të transplantohen më kollaj.”. Studime të tjera po testojnë efikasitetin e autotransplantimit të mitokondrisë edhe në rastin e goditjes hemorragjike, ndërsa të tjerë supozojnë se organelet e reja mund të mbërrijnë në tru përmes ekzosomeve që rrjedhin nga qelizat burimore mezenkimale. Prandaj, nëse neuronet e moshuara mund të përforcohen me mitokondri të reja të afta për të prodhuar energji të mjaftueshme, qelizat mund të ndalojnë grumbullimin e pllakave amiloide, duke bllokuar përparimin e sëmundjes apo edhe duke e zhdukur atë./K.C/dritare.net
