Pse ika nga Shqipëria! Rrëfimi i Bardhyl Resos për përplasjet me Berishën dhe ëndrrën e humbur të së djathtës
E Enjte 16 Tetor 2025, 20:08
Dritare.net
Bardhyl Reso i ftuar në Shqip nga Rudina Xhunga rrëfeuarsyet e largimit të tij nga Shqipëria, një vendim i ndikuar thellësisht nga zhgënjimi dhe përplasjet brenda Partisë Demokratike, si një ish-deputet.
Ai pranon se kontradiktat me drejtuesit kryesorë të PD-së, veçanërisht me Sali Berishën, e bënë të pamundur vazhdimin e angazhimit të tij politik.
Madje, ai përmend sinqerisht edhe një lloj frike nga "temperamenti i tropojanëve" si një nga faktorët që ndikuan në vendimin e tij për t'u larguar. Sot, ai reflekton me një ndjenjë pendese, duke menduar se ndoshta duhej të ishte kthyer më herët për të luftuar për çështjet në të cilat besonte, përfshirë atë të pronave.
Sipas tij, tentativa për të krijuar një të djathtë të vërtetë, me figura si Butka e Dosti, dështoi për shkak të pragmatizmit dhe interesave personale që i shtynë shumë figura t'i bashkoheshin Sali Berishës.
Ai e përshkruan PD-në e asaj kohe si një parti ku ishte e vështirë të krijoje grupe me mendim ndryshe, duke e cilësuar atë si një "të djathtë me komunistë", një trashëgimi e lënë nga Ramiz Alia për të mos lejuar krijimin e një opozite të vërtetë.
Ky rrëfim hedh dritë mbi dinamikat e brendshme të politikës së tranzicionit dhe kostot personale të atyre që guxuan të kundërshtonin liderin./dritare.net
