Nga puthja tek një kërcim dasme, Bora tregon historinë e dashurisë me Donaldin!
E Shtunë 9 Dhjetor 2023, 11:11
Dritare.net
Moderatorja Bora Zemani dhe partneri i saj Donald Veshaj, kërcyen ditën e djeshme kolonën zanore të filmit 5 Herë Jo, në Dancing With The Stars.
Po ashtu, moderatorja tregoi se 5 herë lidhet me historinë e tyre të dashurisë.
Lidhur me aludimet se çifti do të martohet këtë verë, Bora tha se një dasmë nuk do të ndryshonte asgjë pasi ajo prej kohësh jeton në një çati me Donaldin.
“Është e vështirë të zgjedh vitin më të vështirë. Doja të zgjidhja vitin 2023, pasi kryefjala ka qenë nuk ka më kohë. Projekti më i veçantë ka qenë filmi, jo vetëm si aktore por edhe si producente. Shumë orare të zgjatura pune. Zgjime edhe në orën tre të mëngjesit. Xhironim gjithë ditën, me orare shumë të zgjatura. Për sa i përket filmit po zbuloj disa detaje se edhe pak ditë na ndajnë nga premiera. Ka pasur puthje, madje kemi bërë edhe dubla jo sepse kishim siklet por se duhej të xhirohej në kënde të ndryshme.
Një puthje brenda kësaj historie ishte e detyruar, ku ne duhet të bënim sikur ishim detyruar, por puthja tregonte shumë qartë që ishte e ndjerë. “5 Herë Jo” për pesë vite që ne njihemi, por mund të them që ka pasur “500 jo” nga të dyja palët. Martesa… Martesën nuk e shoh të rëndësishme, pasi nuk do të ndryshonte gjë. Ne jetojmë bashkë dhe nuk do të ndryshonte asgjë. Në dancing do të kërcejmë kolonën zanore të filmit “5 Herë Jo”, ose ndryshe le ta themi, një kërcim dasme”, rrëfeu Bora./M.K-dritare.net
