Forumi Ekonomik në Davos/ Zelensky: Nuk kemi nevojë për politika boshe, duam ndihmë
E Martë 20 Janar 2026, 20:08
Dritare.net
Më shumë se një milion familje në Kiev kanë mbetur pa energji elektrike pas sulmeve të fundit ruse ndaj kryeqytetit ukrainas, deklaroi të martën presidenti i Ukrainës, Volodymyr Zelensky.
Në fjalimin e tij, Zelensky tha se situata është kritike edhe në sektorin e ngrohjes. “Vetëm në Kiev, këtë mbrëmje, më shumë se një milion konsumatorë janë pa energji elektrike dhe mbi 4,000 ndërtesa banimi kanë mbetur pa ngrohje,” u shpreh ai.
Presidenti ukrainas u bëri thirrje vendeve pjesëmarrëse në Forumin Ekonomik Botëror në Davos që të ofrojnë paketa konkrete mbështetjeje për Ukrainën, duke theksuar nevojën urgjente për armë. “Raketa për mbrojtjen ajrore nevojiten çdo ditë. Armë nevojiten çdo ditë. Pajisje për riparime dhe rezerva nevojiten çdo ditë,” tha Zelensky.
Ai shtoi se Ukraina do të marrë pjesë në takimet e Davosit vetëm nëse ato sjellin rezultate konkrete. “Askush nuk ka nevojë për politikë boshe dhe biseda pa rezultate,” theksoi ai.
Më herët gjatë ditës, ekipi negociator i Ukrainës zhvilloi një takim me këshilltarë evropianë të sigurisë kombëtare në Davos, njoftoi në Telegram sekretari i Këshillit të Sigurisë Kombëtare të Ukrainës, Rustem Umerov.
