Monica Bellucci dhe Tim Burton kanë vendosur të ndahen, pas dy vitesh lidhjeje, sipas një njoftimi të përbashkët të publikuar so më 19 shtator. Ata theksuan se ndarja u bë me shumë respekt dhe me kujdes të thellë për njëri-tjetrin.
Ata u njohën për herë të parë në vitin 2006, por lidhja e tyre nisi pas takimit në Festivalin Lumière të Lionit në vitin 2022, kur Tim Burton mori një çmim nga Monica Bellucci. Marrëdhënia e tyre u konfirmua zyrtarisht në qershor 2023.
Ata punuan së bashku në filmin Beetlejuice Beetlejuice, ku Tim Burton ishte regjisor dhe Monica Bellucci luajti rolin e Dolores, ish-gruas së personazhit të Michael Keaton. Monica Bellucci e përshkroi Burton si një artist që di të krijojë situata fantastike, frikësuese, komike dhe emocionuese njëkohësisht.
Monica Bellucci ka qenë më parë e martuar me Vincent Cassel (1997-2013) dhe ka dy vajza me të, ndërsa Burton ka pasur një lidhje të gjatë me aktoren Helena Bonham Carter, me të cilën ka dy fëmijë/ K.C/dritare.net
