Pse Alaska? Simbolika e samitit Trump-Putin në shtetin kufitar!
E Premte 15 Gusht 2025, 10:10
Dritare.net
Kur presidenti rus Vladimir Putin mbërriti në Alaska për të diskutuar për përfundimin e luftës në Ukrainë me presidentin amerikan Donald Trump, ai u ul në një ish-koloni ruse që ruan ende lidhje historike me atdheun e tij.
Alaska është pika më e afërt gjeografike mes SHBA-së dhe Rusisë, vetëm 55 milje larg përmes ngushticës Bering. Por zgjedhja e saj nuk është thjesht gjeografike: vendi simbolizon një periudhë kur SHBA dhe Rusia mund të kapërcejnë dallimet ideologjike dhe politike për të krijuar marrëdhënie miqësore dhe bashkëpunuese.
Siguri dhe ligj
Putin nuk mund të udhëtojë në 125 vende që janë pjesë e Gjykatës Ndërkombëtare për Krime për shkak të një urdhër-arresti për krime lufte. Alaska ofron një ambient të sigurt dhe të kontrolluar, ku takimi mund të zhvillohet pa rrezikun e arrestimit.
Historia dhe lidhjet kulturore
Alaska ishte koloni ruse për mbi 65 vjet dhe u shiti SHBA-së në 1867 për 7.2 milionë dollarë. Trashëgimia ruse është e dukshme edhe sot: kishat ortodokse ruse, qytetet me emra rusë dhe popullata kreole e përzier me vendasit.
Rëndësia strategjike
Gjatë Luftës së Dytë Botërore, Alaska dërgoi mijëra avionë në Bashkimin Sovjetik. Në Luftën e Ftohtë, ajo u bë “linja e parë e mbrojtjes” kundër një sulmi sovjetik. Sot, afërsia me Arktikun i jep vendit rëndësi për burimet energjetike, rrugët e transportit dhe kërkimet klimatike, çështje që mund të ndikojnë në bisedimet Trump-Putin.
Shtysat ruse për “kthimin” e Alaskës
Disa nacionalistë rusë kanë kërkuar që SHBA t’i kthejë Alaska Rusisë, një ide që ekspertët e shohin si simbolike, por që tregon se Alaska është ende pjesë e ndërgjegjes kombëtare ruse.
Ekspertët vlerësojnë se takimi i Alaskës është një fitore simbolike për Rusinë: ajo merr mundësinë të marrë pjesë në negociata pa praninë e Ukrainës dhe riafirmon statusin e saj ndërkombëtar./K.C/dritare.net
