Belinda Balluku përballë SPAK-ut, ja si e parashikon juristja fatin e zv-kryeministres!
E Enjte 30 Tetor 2025, 18:06
Dritare.net
Thirrja e zëvendëskryeministres Belinda Balluku në SPAK ka shkaktuar një debat politik, duke vënë në pikëpyetje stabilitetin e kabinetit qeveritar.
Juristët Mirela Jorgo dhe Ylli Kameri shpjeguan se fakti që Balluku shoqërohet nga një avokat e pozicionon atë si 'person nën hetim', një status më serioz se ai i një dëshmitareje të thjeshtë. Kjo, sipas tyre, tregon se SPAK ka mbledhur prova shkencore dhe dosja është solide.
Analistët parashikojnë se kryeministri Edi Rama do të përpiqet të distancohet nga çështja, duke përdorur retorikën e njohur se 'drejtësia duhet të bëjë punën e saj'. Skenari më drastik do të ishte komunikimi i një akuze ndaj Ballukut, gjë që do të shkaktonte një 'tërmet politik' dhe do ta detyronte Ramën të veprojë.
Parashikimet shkojnë nga një shkarkim i mundshëm i saj, në një lëvizje më diplomatike si kalimi në një ministri pa portofol, për të ruajtur figurën e saj por njëkohësisht për t'i dhënë një sinjal SPAK-ut dhe publikut.
Kjo situatë e vendos Ramën në një pozitë të vështirë, ku duhet të menaxhojë goditjen ndaj një prej bashkëpunëtoreve të tij më të afërta./dritare.net
