Sekreti i koreaneve për flokë të shëndetshëm dhe lëkurë që shkëlqen!
E Enjte 27 Nëntor 2025, 19:07
Dritare.net
Kur bëhet fjalë për sekretet e bukurisë, koreanët janë padyshim ekspertë. Një nga arsyet kryesore që ata duken gjithmonë të freskët dhe të shëndetshëm është një ushqim i thjeshtë, por jashtëzakonisht i fuqishëm: fasulet e zeza. Ky ushqim i zakonshëm ka fituar vend të veçantë jo vetëm në tryezat e tyre, por edhe në produktet e kujdesit të lëkurës në Azi.
Pse janë kaq të veçanta?
Fasulet e zeza janë të pasura me vitamina, minerale dhe antioksidantë: përmbajnë hekur, magnez, kalcium, vitamina B, acid folik dhe antocianinë – substancë që i jep ngjyrën e errët dhe mbron qelizat nga stresi oksidativ. Për më tepër, proteinat dhe aminoacidet që ato ofrojnë i bëjnë ato një zgjedhje e shkëlqyer për të forcuar organizmin pa pasur nevojë për mish të tepërt.
Thesar për flokët dhe lëkurën
Në traditën koreane, fasulet e zeza konsiderohen “sekret fuqie” për flokët. Kombinimi i hekurit, zinkut, biotinës dhe acidit folik ndihmon flokët të rriten të fortë dhe të shëndetshëm, ndërsa antioksidantët ndihmojnë që lëkura të mbetet elastike, e freskët dhe rinore.
Përfitime për të gjithë trupin
Përveç bukurisë, fasulet e zeza kanë ndikim të madh në shëndet:
Mbështesin shëndetin e zorrëve falë fibrave prebiotike.
Përmirësojnë tretjen dhe funksionimin e sistemit tretës.
Ndihmojnë në rregullimin e nivelit të sheqerit në gjak.
Ulin kolesterolin e keq (LDL).
Japin ndjesinë e ngopjes, duke ndihmuar në dieta me kalori të ulëta.
Ato janë gjithashtu të lira, të lehta për t’u gatuar dhe mund të shtohen në sallata, supe, vakte të ngrohta ose si snacks të shëndetshme.
Kur duhet të keni kujdes
Personat me ndjeshmëri të traktit tretës ose me disa sëmundje të caktuara mund të mos i tolerojnë mirë fasulet e zeza. Në këto raste, këshilla e një specialisti është e domosdoshme./K.C/dritare.net
