Sali Berisha reagon për humbjen e Fatos Nanos!
E Premte 31 Tetor 2025, 18:06
Dritare.net
Ish-kryeminsitri Sali Berisha ka reaguar në lidhje me ndarjen nga jeta të ish-liderit socialist Fatos Nano. Përmes një postimi në rrjetet sociale, Berisha shprehet se Nano do të kujtohet për meritën e tij, lidhur me reformimin e Partisë Socialste, anëtarësimin e saj në forume të majta ndërkombëtare si dhe pranimin nga ai vetë të rotacionit të pushtetit.
Postimi i plotë:
Fatos Nano mbyll sytë përgjithmonë.
Të dashur miq, Fotos Nano, ish-kryeministër i vendit dhe ish-kryetar i Partisë Socialiste, personalitet kryesor i të majtës shqiptare gjatë tranzicionit, mbylli sytë përgjithmonë.
Fatos Nano ka meritën e reformimit të Partisë Socialste, anëtarësimin e saj në forume të majta ndërkombëtare si dhe pranimin nga ai vetë të rotacionit të pushtetit.
Me këtë rast shpreh ngushëllime familjes, miqve, të afërmëve të tij dhe socialistëve. Amen!/dritare.net
