Foto/ Rama viziton Japoninë! Pritja e veçantë me ngjyrat kuqezi në Tokio
E Enjte 21 Maj 2026, 18:06
Dritare.net
Kryeministri Edi Rama po zhvillon një vizitë zyrtare në Tokio, ku kryeqyteti japonez është dekoruar me flamuj të Shqipërisë dhe Japonisë në shenjë respekti protokollar dhe për forcimin e marrëdhënieve dypalëshe.
Vizita fokusohet në zgjerimin e bashkëpunimit mes dy vendeve në fusha ekonomike, kulturore dhe diplomatike. Në agjendë parashikohet një takim bilateral me Kryeministren e Japonisë, Sanae Takaichi, si dhe aktivitete të nivelit të lartë institucional.
Gjatë qëndrimit në Tokio, Rama do të vizitojë edhe Universitetin e Kombeve të Bashkuara, ku do të marrë pjesë në një panel diskutimi mbi rrugën e Shqipërisë drejt integrimit në BE dhe rolin e Japonisë në këtë proces./K.C/dritare.net
