Historike/ Kryeministri Starmer vjen në Shqipëri, pritet nga presidenti Begaj
E Enjte 15 Maj 2025, 10:10
Dritare.net
Kryeministri i Mbretërisë së Bashkuar, Sir Keir Starmer, po zhvillon një vizitë zyrtare në Shqipëri. Ai është pritur nga presidenti Bajram Begaj. Kjo është hera e parë që një kryeministër britanik viziton zyrtarisht Shqipërinë dhe përkon me një samit të rëndësishëm evropian që po mbahet në Tiranë.
Vizita e kryeministrit Starmer ka për qëllim forcimin e bashkëpunimit dypalësh midis Mbretërisë së Bashkuar dhe Shqipërisë, veçanërisht në fushat e migracionit të paligjshëm dhe krimit të organizuar. Në kuadër të kësaj vizite, pritet të diskutohen dhe të nënshkruhen marrëveshje që synojnë përmirësimin e bashkëpunimit në këto fusha.
Gjatë qëndrimit në Shqipëri, Starmer do të takohet edhe me kryeministrin Edi Rama. Në këto takime pritet të diskutohen çështje të rëndësishme që lidhen me sigurinë, drejtësinë dhe bashkëpunimin ekonomik midis dy vendeve.
Vizita e Kryeministrit Starmer përkon me një samit të rëndësishëm evropian që po mbahet në Tiranë, ku marrin pjesë liderë nga vende të ndryshme të Evropës./K.C/dritare.net
