Protestohet sot në Hagë/ Rama: Me zemër e mendje jam edhe unë atje komandant!
E Diel 14 Shtator 2025, 13:01
Dritare.net
Në Hagë po mbahet sot një protestë e madhe në mbështetje të ish-komandantëve të Ushtrisë Çlirimtare të Kosovës, të cilët po gjykohen nga Gjykata Speciale. Qytetarë nga Kosova, Shqipëria dhe diaspora janë mbledhur përpara objektit të gjykatës, duke kërkuar lirimin e tyre dhe duke theksuar se lufta e UÇK-së ishte e drejtë.
Tubimi është shoqëruar me flamuj kombëtarë, pankarta e thirrje për drejtësi, ndërsa organizatorët kanë thënë se do të vazhdojnë të ngrejnë zërin deri në çlirimin e plotë të ish-komandantëve.
Kryeministri i Shqipërisë, Edi Rama, ka reaguar përmes një postimi në rrjete sociale, ku ka ndarë edhe një video nga mbledhja e protestuesve në Hagë. Ai shkruan:
Rama: “LIRIA KA EMËR
Me zemër e mendje jam edhe unë atje sot Komandant.
LIRI PËR ÇLIRIMTARËT!"
Protesta në Hagë vjen në një kohë kur procesi gjyqësor ndaj ish-krerëve të UÇK-së po vazhdon, duke ngjallur reagime të shumta në opinionin publik dhe politikën shqiptare e kosovare./K.C/dritare.net
Δείτε αυτή τη δημοσίευση στο Instagram.
