Rama nderohet me medaljen më të lartë të Emirateve të Bashkuara Arabe
E Martë 13 Janar 2026, 16:04
Dritare.net
Kryeministri Edi Rama është nderuar me medaljen më të lartë të Emirateve të Bashkuara Arabe nga Presidenti Sheikh Mohammed bin Zayed Al Nahyan. Rama e cilësoi këtë vlerësim si një nder të madh për Shqipërinë dhe një shenjë të fortë miqësie mes dy vendeve.
Njoftimi i plotë i kryeministrit Rama
"Thellësisht i prekur prej surprizës së paimagjinueshme dhe nderimit të jashtëzakonshëm nga Presidenti i Emirateve të Bashkuara, Sheikh Mohammed bin Zayed Al Nahyan. Akordimi i medaljes më të lartë të vendit mik, e cila mban emrin e themeluesit të Emirateve të Bashkuara, Sheikh Zayed, është respekti dhe vlerësimi më i madh për një kryeministër shqiptar, që e mora përulësisht plot me krenari për Shqipërinë, e me mirënjohje të thellë për mikun e madh të shqiptarëve, Lartësinë e Tij Sheikh Mohammed bin Zayed, si edhe për çdo shqiptar që ma ka besuar udhëheqjen dhe përfaqësimin e atdheut tonë të përbashkët.", shkruan Rama./K.C/dritare.net
