Rama në Forumin Global të Investimeve në Riad
E Hënë 27 Tetor 2025, 16:04
Dritare.net
Kryeministri Edi Rama po merr pjesë në edicionin e 9-të të Future Investment Initiative (FII), forumin global që përcakton axhendën e investimeve botërore, i cili po zhvillohet në Riad, Arabinë Saudite.
Ngjarja mbledh liderë politikë, investitorë ndërkombëtarë dhe inovatorë, në një dialog mbi të ardhmen e investimeve, zhvillimin e teknologjive të reja dhe ndërtimin e urave të bashkëpunimit ekonomik.
Në mbërritjen e tij në Riad, Kryeministri Rama dhe delegacioni shqiptar u pritën nga Princi Mohammed bin Abdulrahman bin Abdulaziz, Zëvendësguvernatori i Riadit.
Pjesëmarrja e Ramës në këtë forum synon të forcojë lidhjet ekonomike dhe të promovojë mundësitë e investimeve në Shqipëri./L.F-dritare.net
View this post on Instagram
