Mirditë/Shantazhohej nga 5 persona, 15-vjeçarja dhunohej seksualisht prej 4 muajsh!
E Martë 18 Maj 2021, 14:02
Dritare.net
Një rast shokues abuzimi me të mitur është zbuluar sot nga policia në Mirditë.
Pesë persona ranë në pranga pasi dyshohet se kanë abuzuar seksualisht me një 15-vjeçare, të cilës gjithashtu i kanë bërë presione dhe shantazhe për të mos treguar.
Sipas informacioneve, e mitura ka nisur një njohje me njërin nga djemtë, e gjatë kësaj periudhe mes tyre ka pasur dhe momente intime.
Njëri prej të rinjve ka shfrytëzuar rastin, i cili e ka shantazhuar adoleshenten duke i thënë se aktin seksual e ka filmuar, e për të mos e shpërndarë më tej, e ka detyruar të kryejë marrëdhënie me 4 personat e tjerë.
Në këto kushte, vajza i është bindur djalit, e në mënyrë sistematike, pa dëshirën e saj, ka kryer marrëdhënie seksuale me 5 personat, për një periudhë disa mujore, më konkretisht nga muaji janar deri në prill.
Arrestimi i 5 personave të përfshirë në ngjarjen e rëndë, Artan Kaçorri 31 vjeç, Albert Molla 27 vjeç , Ermal Tarazhi 30 vjeç , Nike Lleshi 44 vjeç dhe shtetasi i mitur me iniciale A.Gj17 vjeç u bë në orët e para të mëngjesit të së martës. Ata ishin banor të fshatit Tarazh të Mirditës, ndërsa vajza, jetonte në Rrëshen./dritare.net
