AKU tërheq nga tregu formulën e foshnjave pas zbulimit të baktereve
E Enjte 22 Janar 2026, 18:06
Dritare.net
Autoriteti Kombëtar i Ushqimit (AKU) ka bërë të ditur se është tërhequr nga tregu formula e qumështit për foshnje “NAN 1 OPTIPRO” 800 gram. Sipas njoftimit zyrtar, masa është marrë pasi është konstatuar prania e bakterit cereulide gjatë procesit të prodhimit në një fabrikë në Holandë.
AKU sqaron se vendimi vjen pas komunikimit nga subjekti importues në Shqipëri, i cili është informuar nga kompania prodhuese Nestlé. Tërheqja e produktit është kryer si masë parandaluese. Produkti i prekur i përket lotit NAN 1 OPTIPRO 800 g, me kodin L51230346AE dhe datë skadence 30/05/2027.
Pas inspektimeve dhe procedurave të gjurmueshmërisë, AKU ka bllokuar të gjithë sasinë e mbetur në magazina, si edhe produktet e kthyer nga tregu, të cilat do të asgjësohen ose do të rikthehen në vendin e origjinës.
Autoriteti bën me dije gjithashtu se gjatë verifikimeve në terren është konstatuar se në supermarketet ku ky produkt është shitur, është vendosur njoftim informues për konsumatorët./K.C/dritare.net
