Azerbajxhani paralajmëron kundërpërgjigje pas sulmit me dron!
E Enjte 5 Mars 2026, 13:01
Dritare.net
Azerbajxhani ka paralajmëruar se do të kundërpërgjigjet pasi deklaroi se dronë iranianë kanë fluturuar përtej kufirit dhe kanë plagosur katër persona të enjten në mëngjes.
Ministria e Mbrojtjes e Azerbajxhanit tha në një deklaratë se “këto sulme nuk do të mbeten pa përgjigje”, duke shtuar se autoritetet po hetojnë llojin e dronëve të përdorur në sulm.
Sipas saj, po përgatiten masa reagimi për të mbrojtur integritetin territorial dhe sovranitetin e vendit, si dhe për të garantuar sigurinë e civilëve dhe infrastrukturës.
Ndërkohë, Irani e ka mohuar përfshirjen në sulm, duke deklaruar se nuk qëndron pas incidentit.
Ky zhvillim rrit tensionet në rajonin e Kaukazit, ndërsa frika për përhapjen e konfliktit përtej Lindjes së Mesme mbetet e lartë.
