Çfarë ndodh kur bën bashkë bandën më të madhe muzikore BTS me McDonald's? Një kaos i vërtetë!
E Enjte 10 Qershor 2021, 16:04
Dritare.net
Çfarë ndodh kur bashkon bandën më të madhe muzikore në botë me një nga zinxhirët më të njohur të hamburgerëve në botë? Një kaos i vërtetë. Ose kjo ndodhi në Indonezi me McDonald's, të cilët u mbushën plot me porosinë e sapolançuar nga BTS. Si përfundim ata u detyruan ta mbyllin.
Ishin me mijëra njerëz që donin të merrnin vaktin BTS, të frymëzuar nga grupi më i famshëm në botë. Indonezia u detyrua të mbyllë shitjet pasi kishte frikë se kjo mund të shkaktonte një vatër të re të nxehtë të Covid-19.
"Ne mbyllëm përkohësisht katër nga gjashtë dyqanet e McDonald's këtu në Semarang për disa ditë. Unë nuk dua që Semarang të jetë përsëri në zonën e kuqe Covid-19.”, tha një zyrtar nga Indonezia.
Për ata që nuk kanë shumë njohuri, ky mund të duket si një reagim i tepruar për një vakt që ka 10 copëza pule, patate të skuqura dhe dy salca. Por në fakt është duke u nënvlerësuar ndikimi i jashtëzakonshëm i fenomenit shtatë anëtarësh K-Pop që është BTS. Single i tyre i fundit Butter theu rekorde globale kur u shfaq muajin e kaluar, ata mundën superyjet si Taylor Swift, duke i zënë vendin me albumin më të shitur të vitit 2020./K.C/dritare.net
