Krah Melonit, Rama për takimin në Itali: Mikpritje vëllazërore!
E Enjte 28 Shtator 2023, 08:08
Dritare.net
Kryeministri Edi Rama ka komentuar vizitën e djeshme në Itali dhe takimin me homologen e tij, Giorgia Meloni.
Rama në ‘Facebook’ shkruan se kjo vizitë rezultoi e frytshme falë atmosferës dhe mikpritjes vëllazërore të palës italiane, për të thelluar raportin e miqësisë tradicionale dhe marrëdhëniet e partneritetit strategjik.
“Mirëmëngjes dhe me fotoalbumin e një vizite me plane e projekte konkrete, në atmosferën e një mikpritjeje vëllazërore e të një vullneti mbresëlënës të palës italiane, për të thelluar raportin e miqësisë tradicionale, marrëdhëniet e partneritetit strategjik, si edhe të interesave të përbashkëta ekonomike, duke çliruar shumë më tepër nga potenciali i madh që ka bashkëpunimi mes dy vendeve tona, ju uroj një ditë të mbarë”, shkruan Rama./M.K-dritare.net
