Rama dënon sulmet iraniane ndaj Turqisë: Kjo që po ndodh është alarmuese
E Hënë 9 Mars 2026, 17:05
Dritare.net
Pas interceptimit të raketës iraniane mbi hapësirën ajrore të Turqisë, kryeministri Edi Rama ka reaguar me një postim në rrjetin social X, duke dënuar fuqishëm sulmet dhe duke riafirmuar solidaritetin e Shqipërisë me aleaten strategjike të Shqipërisë dhe partneren në NATO.
Në postimin e tij, Rama shkruan:
“Shqipëria dënon me forcën më të madhe sulmin me raketa balistike të regjimit iranian kundër Turqisë. Fakti që kjo është sulmi i dytë në ditët e fundit është shumë shqetësues dhe thekson natyrën agresive dhe destabilizuese të këtyre veprimeve.
Turqia është një vend vëllazëror, partner strategjik i Shqipërisë dhe një aleat i vlerësuar i NATO-s. Përpjekjet e regjimit iranian për të projeksuar tensione dhe paqëndrueshmëri përmes sulmeve të vazhdueshme ndaj fqinjëve janë jashtëzakonisht të rrezikshme. Veprime të tilla rrezikojnë përshkallëzimin e situatës dhe paraqesin një kërcënim serioz për sigurinë rajonale dhe ndërkombëtare.
Shqipëria përgëzon reagimin e shpejtë të NATO-s në mbrojtjen e territorit, hapësirës ajrore dhe qytetarëve të Aleancës. Shqipëria qëndron fuqishëm krah për krah me Turqinë dhe të gjithë Aleatët në mbrojtjen e sigurisë dhe unitetit të Aleancës sonë.", shkruan Rama./K.C/dritare.net
