Brikena pranon se ka pëlqim për Mateon pas debatit të ashpër në Big Brother
E Shtunë 14 Mars 2026, 22:10
Dritare.net
Debate të forta kanë ndodhur mes banorëve Big Brother VIP Albania, Mateo dhe Artani, pasi ky i fundit akuzoi Mateon se raporti i tij me Brikena është i rremë dhe pjesë e lojës.
Gjatë përplasjes, Artani kërkoi që Brikena të sqarojë publikisht marrëdhënien e saj me Mateon, duke theksuar se për të ai është vetëm një banor i shtëpisë. Debati u tensionua edhe më shumë kur Mateo përmendi bashkëshorten e Artanit, gjë që shkaktoi reagime të forta.
Pas gjithë situatës së krijuar, Brikena bëri një deklaratë të papritur duke pranuar për herë të parë se ka pëlqim për Mateon. Ajo u shpreh se tani ndihet në një moment kur mund ta pranojë hapur atë që ndjen.
“Unë normalisht sot mund të them me plot kuptimin e fjalës që kam pëlqim për Mateon dhe kaq,” tha Brikena.
Ajo gjithashtu mbrojti Mateon duke thënë se ai nuk është person që ofendon dhe se reagimi i tij gjatë debatit erdhi si pasojë e presionit të situatës./L.F-dritare.net
