Fotoreporteri britanik: Rëndësia e jashtëzakonshme e Mesaplikut!
E Shtunë 3 Gusht 2024, 20:08
Dritare.net
Dritare TV po transmeton dokumentarin e fotografit dhe udhëtarit britanik Robert Hackman, i cili e nis nga Vlora dhe na tregon Labërinë, duke kaluar çdo rrugë që të çon në destinacion.
Hackman ndalon në luginën e Shushicës, shumë pranë Kurveleshit, për të treguar fshatin e fshehur mes maleve, Mesaplik.
Për fotoreporterin, ky fshat ka histori të madhe, atë të Zenel Gjolekës, i cili ia doli të mbledhë shqiptarët pavarësisht dallimeve fetare.
“Kam ndaluar këtu buzë rrugës në rrugën deri në luginën e Shushicës dhe pas meje në ato kodra poshtë Kurveleshit aty ku është avioni në majë të maleve, është një fshat shumë i rëndësishëm i quajtur Mesaplik. Shqiptarët u shtypën nga osmanët dhe u përballen me reforma që centralizuan pushtetin dhe ndryshuan taksat e tyre si dhe ndryshuan metodat e rekrutimit dhe në qershor 1947, një vendas i quajtur Zenel Gjoleka, vendos si udhëheqës në një mbledhje atje në Mesaplik. Ai u kërkoi shqiptarëve të bashkohen pavarësisht nga dallimet e tyre fetare dhe ajo që më duket magjepsëse në këtë thirrje dhe në këtë zgjim të hershëm të nacionalizmit në Shqipëri për të krijuar shtetin e tyre, ishte se kjo thirrje i paraprin një poet i njohur shqiptar Pashko Vasa.
Ai shkroi një poezi shumë të rëndësishme me titull:
Ah moj Shqypni, e mjera Shqypni!Dhe u shkrua në fund të vitit 1800. Në këtë poezi mesazhi ishte për bashkimin e shqiptarëve në një etni të përbashkët, siç ishte bashkimi këtu në Mesaplik, 40 vjet përpara se të shkruhej poema e Pashko Vasës.
Pra ky është fshati më i rëndësishëm që bashkoi shqiptarët për pavarësinë e Shqipërisë”, tregon Hackman në dokumentarin e radhës, në bashkëpunim me DritareTv./M.K-dritare.net
