Zëdhënësja e Shtëpisë së Bardhë, Karoline Leavitt, komentoi këtë të premte mbi raportimet e inteligjencës amerikane se Rusia ka dhënë Teheranit informacione që mund të ndihmojnë Iranin të synojë asetet ushtarake të Shteteve të Bashkuara në Lindjen e Mesme, përfshirë vendndodhjet e anijeve, avionëve dhe forcave amerikane në rajon, sipas zyrtarëve amerikane të besueshëm.
Leavitt tha: "Është e qartë se kjo nuk po bën asnjë ndryshim në operacionet ushtarake në Iran, sepse ne po i shkatërrojmë plotësisht objektivat iraniane", duke minimizuar ndikimin e ndihmës së pretenduar ruse. Ajo refuzoi gjithashtu të komentojë nëse Presidenti Donald Trump ka folur drejtpërdrejt me presidentin rus Vladimir Putin mbi këto raportime apo nëse Rusisë do t’i bëhen ndonjë lloj “pasojash”.
Zyra e shtypit e Kremlinit ka mohuar se ka marrë kërkesa për ndihmë aktive ushtarake nga Irani dhe ka thënë se Rusia është “në dialog” me autoritetet iraniane, por ka kundërshtuar çdo rol të drejtpërdrejtë në konflikt.
Zhvillimi shënon një përshkallëzim potencial të rolit të Moskës në konflikt, ndërsa luftimet midis forcave të koalicionit udhëhequr nga SHBA dhe Izraeli dhe Iranit kanë çuar në shkëmbim hakmarrjesh dhe tensione të mëtejshme rajonale./K.C/dritare.net
