Deklarata e Berishës ndaj ambasadorit Gonzato, Rama: Qentë, karvani ecën përpara
E Enjte 6 Nëntor 2025, 19:07
Dritare.net
Kryeministri Edi Rama ka reaguar pas akuzave të ish-kryeministrit Sali Berisha, i cili deklaroi se ambasadori i Bashkimit Evropian po impononte bindjet e tij në ligjin për barazinë gjinore.
Në “X”, teksa ka rishpërndarë postimin e komisioneres për Zgjerimin e Bashkimit Europian, Marta Kos, Rama ka kërkuar ndjesë për mënyrën se si, sipas tij, një ligj “fisnik dhe plotësisht në përputhje me parimet e BE-së për barazinë gjinore dhe mosdiskriminimin” është keqpërdorur për qëllime politike.
“Kërkojmë ndjesë për mënyrën fyese se si një ligj shumë fisnik, plotësisht në përputhje me parimet e BE-së për barazinë gjinore dhe mosdiskriminimin, është keqpërdorur për të shtrembëruar perceptimin publik, si dhe për mënyrën se si Ambasadori i BE-së është shfrytëzuar për një qëllim kaq të ulët.
Megjithatë, siç themi në shqip, qentë le të lehin, karvani ecën përpara”, shkruan Rama./dritare.net
We apologize for the insulting way in which a very noble law, fully aligned with EU principles of gender equality and non-discrimination, has been misused to distort public perception, and for the way the EU Ambassador has been exploited for such an ignoble purpose.… pic.twitter.com/MOuhj2JSzi
— Edi Rama (@ediramaal) November 6, 2025
