Edi mëson të vërtetën për Dolcen, banorët humbin 7 mijë euro nga çmimi i madh!
E Enjte 4 Dhjetor 2025, 15:03
Dritare.net
Banorët e shtëpisë së Big Brother VIP Kosova 4 u përballën me një zhvillim të papritur që zbulohej përmes një surprize speciale. Fillimisht, ata u informuan se Dolce po hiqte dorë nga pjesëmarrja për shkak të një problemi jashtë shtëpisë, por e vërteta ishte krejt ndryshe.
Dolce është transferuar për disa ditë në Grande Fratello, dhe kjo ishte diçka që banorët nuk e dinin. Për të zbuluar të vërtetën, ata morën mundësinë të shkurtojnë çmimin e madh me 7 mijë euro në këmbim të informacionit të plotë rreth Dolces dhe qëndrimit të saj jashtë shtëpisë.
Reagimi më i madh ishte ai i Edit, i cili kishte krijuar një lidhje të ngushtë me Dolcen brenda shtëpisë. Ai u shpreh i prekur dhe i lumtur kur mësoi se ajo ishte mirë dhe po vazhdonte eksperiencën e saj në Grande Fratello.
Megjithatë, një detaj mbeti i paqartë: nuk iu transmetua deklarata e Dolces ku ajo kishte pohuar se është beqare dhe nuk ka asnjë lidhje romantike me pjesëmarrësit e Big Brother VIP Kosova 4.
