Mbrëmja e së premtes në “Big Brother VIP Kosova 4” solli një seri ngjarjesh të forta, debate, emocione dhe ndryshime të reja në lojë. Nga rrëfimet personale të banorëve, te konfliktet e ashpra dhe surprizat muzikore, spektakli “Prime” u shndërrua në një natë plot dinamika që mbajtën publikun para ekranit.
1. Banori Toney akuzoi Labinot Rexhën se vite më parë i kishte mundësuar të merrte një kredi përmes disa dokumenteve të falsifikuara. Deklarata e tij shpërtheu reagime të forta dhe habi mes fansave, duke u shndërruar në një nga temat më të diskutuara të natës.
2. Londrimi jep biletën e koncertit
Gjatë spektaklit, Londrimi u vu përballë një vendimi të veçantë: ai duhej të përzgjidhte një banor që do të shkonte drejtpërdrejt në koncertin e Alban Skënderajt, i cili po mbahej në të njëjtën mbrëmje.
Pas pak reflektimi, ai vendosi t’ia jepte biletën Klodit një zgjedhje që shkaktoi komente, duke pasur parasysh afrimitetin e tyre të përfolur brenda shtëpisë.
Londrimi shpjegoi se vendimin e mori për shkak të një historie personale: vite më parë, Klodit i kishte mbetur peng që nuk mori pjesë në një koncert të Albanit bashkë me motrën.
3. Debati i ashpër Londrim–Labi dhe deklaratat për komunitetin LGBT
Një nga pikat kulmore të mbrëmjes ishte transmetimi i një klipi të tensionuar mes Londrimit dhe Labinot Rexhës (Labi).
Në debat, Labi e kritikonte ashpër mënyrën e veshjes së Londrimit, duke i thënë se “vishej si femër” dhe se nuk do të dëshironte që fëmija i tij të vishej ashtu.
Situata u rëndua edhe më tej kur Labi deklaroi hapur se “nuk i mbështet LGBT apo çfarë janë ata.
4. Rrëfimi emocional i Labit për motrën një moment reflektimi në shtëpi
Gjatë “Darkës së të Nominuarve”, Labi ndau një histori personale, duke treguar se kishte kaluar mbi pesë vite pa folur me motrën e tij, pasi ajo ishte martuar me një afrikan – diçka për të cilën ai nuk kishte qenë dakord fillimisht.
Ai pranoi se ishte bullizuar për këtë situatë dhe, me lot në sy, u bëri thirrje të gjithëve të respektojnë zgjedhjet e motrave dhe të afërmve për lumturinë e tyre.
Ky moment i ndjeshëm krijoi reflektim dhe preku si banorët, ashtu edhe audiencën.
5. Nailiri largohet nga gara
Një tjetër zhvillim i rëndësishëm ishte eliminimi i Nailirit.
Ai nuk arriti t’i shpëtonte televotimit, ku përballë tij ishin Hygerta, Labinoti, Alba, Ibro dhe Shkurta.
Edhe pse qëndrimi i tij ishte i shkurtër, banori nga Shkodra u bë pjesë e debateve dhe solli energji në shtëpi. Largimi i tij pritet të ndryshojë balancat dhe përplasjet në javët në vijim.
6. Labinot Haxhiu i bashkohet shtëpisë
Mbrëmja rezervoi edhe një surprizë: hyrjen e banorit të ri, 28-vjeçarit Labinot Haxhiu nga Gjermania.
Ai u prezantua si krijues përmbajtjeje dhe pasionant i gatimit.
Labinoti u prit ngrohtësisht nga banorët dhe u përfshi menjëherë në biseda e lojëra, duke dhënë sinjalet e një energjie pozitive që mund të sjellë dinamika të reja në shtëpi.
