Kosova ka arritur një fitore historike në transfertë, duke mposhtur Sllovakinë me rezultatin spektakolar 3-4 në gjysmëfinalen e play-off-it për Kupën e Botës 2026.
“Dardanët” zhvilluan një ndeshje plot ritëm dhe emocione, duke reaguar fort pas momenteve të vështira dhe duke treguar karakter deri në fund. Sfida prodhoi plot gola dhe kthesa, por në fund ishte Kosova ajo që doli triumfuese, duke siguruar një kualifikim të merituar.
Me këtë fitore, Kosova hedh një hap të madh drejt realizimit të ëndrrës për një pjesëmarrje historike në Kupën e Botës. Tashmë, skuadra do të përballet në finalen e play-off-it me Turqinë, më 31 mars, në një tjetër sfidë vendimtare që do të përcaktojë gjithçka.
Kjo mbetet një nga fitoret më të rëndësishme në historinë e përfaqësueses së Kosovës, që vazhdon të shkruajë kapituj të rinj në arenën ndërkombëtare./K.C/dritare.net
