Lufthansa anulon 20 mijë fluturime, për shkak të rritjes së çmimeve të karburantit
E Mërkurë 22 Prill 2026, 16:04
Dritare.net
Kompania ajrore gjermane Lufthansa ka njoftuar se do të anuloje rreth 20 mijë fluturime të distancave të shkurtra gjatë verës, duke argumentuar se rritja e ndjeshme e çmimit të karburantit i ka bërë shumë udhëtime “jo fitimprurëse”.
Çmimi i karburantit për avionë është dyfishuar që nga fillimi i konfliktit mes Izraelit dhe Iranit, pasi tensionet kanë ndikuar në prodhimin dhe transportin e naftës në Lindjen e Mesme.
Edhe kompani të tjera ajrore, si Air France-KLM dhe Delta Air Lines, kanë reduktuar përkohësisht disa fluturime, ndërsa të tjera kanë rritur çmimet e biletave për të përballuar kostot në rritje.
Analistët paralajmërojnë se udhëtarët duhet të presin rritje të mëtejshme të çmimeve dhe anulime fluturimesh, nëse konflikti vijon.
Rajoni i Gjirit Persik mbetet një burim kryesor i karburantit të aviacionit, duke mbuluar rreth 50% të importeve të Evropës. Pjesa më e madhe e furnizimit kalon përmes Ngushtica e Hormuzit, e cila është kufizuar nga Irani si reagim ndaj sulmeve të SHBA dhe Izraelit.
Sipas të dhënave, rafineria Al-Zour në Kuvajt siguron rreth 10% të importeve të karburantit për avionë në Evropë. Ndërkohë, Agjencia Ndërkombëtare e Energjisë ka paralajmëruar se Evropa mund të përballet me mungesë karburanti për avionë brenda pak javësh, edhe pse qeveritë dhe kompanitë ajrore thonë se aktualisht nuk ka ndërprerje të furnizimit./K.C/dritare.net
