Video/ Momenti kur Maduro dhe gruaja e tij mbërrijnë me pranga në gjykatën e Manhattanit
E Hënë 5 Janar 2026, 17:05
Dritare.net
Presidenti i kapur i Venezuelës, Nicolás Maduro, pritet të shfaqet së shpejti në një gjykatë në New York, ku është akuzuar për krime të ndryshme lidhur me drogën dhe armët.
Pamje dramatike treguan Maduro dhe bashkëshorten e tij, Cilia Flores, duke u transferuar drejt gjykatës me pranga, të rrethuar nga oficerë të armatosur.
Një radhë e gjatë është formuar jashtë, pasi shumë duan të hyjnë në sallën ku pritet që çifti të japë përgjigjet e tyre.
Ata u morën nga kompleksi i tyre në Karakas të shtunën dhe u dërguan drejt SHBA-ve si pjesë e një operacioni të forcave speciale.
Në një mbledhje emergjente të Këshillit të Sigurimit të OKB-së, Sekretari i Përgjithshëm António Guterres shprehu “shqetësim se rregullat e së drejtës ndërkombëtare nuk janë respektuar”.
Ndërkohë, liderja e re e Venezuelës, Delcy Rodríguez, pritet të betohet para Asamblesë Kombëtare të vendit./K.C/dritare.net
