Azgan Haklaj: Për herë të parë Rey Manaj, një njeri i gjallë meriton shtatoren e bronztë!
E Premte 17 Tetor 2025, 20:08
Dritare.net
Goli i Rey Manajt kundër Serbisë dhe festimi ikonik me simbolin e shqiponjës ka kapërcyer kufijtë e një ndeshjeje futbolli, duke u shndërruar në një moment katarsisi dhe krenarie kombëtare. Në një atmosferë armiqësore ku nga stadiumi dëgjoheshin thirrje raciste si 'vritini shqiptarët', gjesti i Manajt ishte një përgjigje dinjitoze dhe e fuqishme.
Ky moment u analizua gjerësisht në emision, ku u theksua se Manaj u ndëshkua me karton të verdhë për një simbol kombëtar, një vendim i paprecedentë dhe i padrejtë.
Duke parë impaktin e jashtëzakonshëm të këtij akti, i cili ngriti peshë zemrat e miliona shqiptarëve, u hodh një propozim i bujshëm nga Azgan Haklaj në një intervistë në Dekalog, Dritare TV.
"Për herë të parë, një njeri i gjallë meriton shtatoren e bronztë. Propozoj që një shtatore e Rey Manajt me shqiponjën të vendoset në Prishtinë", tha ai.
Ky propozim u cilësua si fantastik, duke argumentuar se Manaj nguliti simbolin e shqiponjës në zemër të Serbisë, duke e kthyer atë simbolikisht në 'folenë' e saj. Ky gjest, sipas diskutimit, e vendos futbollistin në radhën e figurave historike që kanë sakrifikuar dhe kanë lartësuar emrin e kombit në momente vendimtare./M.K-dritare.net
