Edi Rama: Interes i lartë për Shqipërinë në tryezën e Atlantic Council
E Premte 20 Shkurt 2026, 14:02
Dritare.net
Kryeministri Edi Rama njoftoi se në një tryezë diskutimi në Uashington, të organizuar nga Atlantic Council, është shënuar interes i lartë për Shqipërinë dhe profilin e saj të ri ndërkombëtar.
Rama tha se në takim u diskutuan pikëpamjet shqiptare lidhur me Bordin e Paqes, konfliktet e hapura në botë dhe procesin e zgjerimit të Bashkimi Europian.
Rama theksoi se diskutimi u fokusua te roli ndërkombëtar i Shqipërisë dhe qëndrimet e saj mbi zhvillimet gjeopolitike aktuale.
"Uashington-Në tryezën e Atlantic Council, një nga organizatat më të rëndësishme të politikave strategjike në SHBA, ku pati një interes të lartë për Shqipërinë, profilin e saj të ri ndërkombëtar dhe pikëpamjet tona mbi Bordin e Paqes, konfliktet e hapura si edhe rrugën e zgjerimit të Bashkimit Europian", shkruan kryeministri Rama krahas fotove./L.F-dritare.net
