GJKKO lë në fuqi vendimin për pezullimin nga detyra të zv.kryeministres Belinda Balluku
E Shtunë 22 Nëntor 2025, 14:02
Dritare.net
Pas më shumë se 3 orësh, zv.kryeministrja Belinda Balluku ka dalë nga ambientet e GJKKO-së, pas seancës për abuzimin me tenderin e Llogarasë dhe Unazës së Madhe.
Më herët se seanca u shty për dy orë, pasi avokatët kërkuan të njiheshin me aktet. Seanca nisi rreth orës 11:00.
GJKKO vendosi që të lërë në fuqi vendimin e dhënë pak ditë më parë, pezullim detyre si zv.kryeministre dhe ministre e Energjisë dhe Infrastrukturës dhe bllokim i pasaportës.
Më herët, në gjykatë u paraqit motra e saj avokate, Pamela Qirko, kreu i KESH, Erald Elezi dhe ai i ARRSH, Gentian Gjyli.
GJKKO ka vendosur dy ditë më parë pezullimin nga detyra të zv.kryeministres Belinda Balluku duke argumentuar se ajo së bashku me dy drejtorët e Rrugëve dhe KESH-it mund të prishin ose asgjësojnë provat. Po ashtu gjykata vendosi edhe masën ndalim për të dalë jashtë vendit për deputeten e qarkut Fier, që ndryshe nga e para është masë shtrënguese.
Pas daljes, zv.kryeministrja nuk pranoi të jepte asnjë koment. Pas saj, lanë ambientet e SPAK edhe vartësit e Ballukut, Erald Elezi dhe Gentian Gjyli, të cilët janë dënuar me arrest shtëpie./L.F-dritare.net
