Trump rikthen tarifat: Rritje të ndjeshme ndaj 90 vendeve, përfshirë BE-në dhe Kanadanë
E Premte 1 Gusht 2025, 08:08
Dritare.net
Presidenti Donald Trump ka rikthyer politikat e tij tarifore, me synimin për të mbrojtur prodhimin amerikan dhe për të ndëshkuar vendet që, sipas tij, ndjekin praktika të padrejta tregtare kundër SHBA-së.
Tarifa bazë prej 10% për të gjitha importet
Më 2 Prill, Trump shpalli një tarifë të re bazë prej 10% për thuajse të gjitha importet në SHBA. Kjo lëvizje synon të inkurajojë konsumatorët amerikanë të blejnë produkte të prodhuara në vend.
"Fajtorët kryesorë" do të përballen me tarifa edhe më të larta
Sipas Shtëpisë së Bardhë, rreth 60 vende, përfshirë Bashkimin Evropian dhe Kinën, janë etiketuar si “shkelësit më të mëdhenj” dhe ndaj tyre u parashikuan tarifa më të larta si formë “reciprociteti”.
Negociatat dhe shtyrja 90-ditore
Zbatimi i këtyre tarifave të larta u shty për 90 ditë, për të lejuar negociata dypalëshe. Kjo afat skadon sot, më 1 Gusht. Në prag të skadimit, disa marrëveshje janë arritur.
Marrëveshje me BE-në
SHBA dhe BE arritën një marrëveshje ku:
Mallrat evropiane do të përballen me një tarifë prej 15%, përfshirë automjetet.
BE do të heqë tarifat për disa produkte amerikane, por marrëveshja duhet të ratifikohet nga të gjitha 27 vendet anëtare të bllokut.
Negociata me Kinën vazhdojnë
Bisedimet SHBA-Kinë janë ende në zhvillim. Më parë, të dy vendet kishin ngritur tarifat mbi 100% për mallrat përkatëse, përpara se të tërhiqeshin përkohësisht nga përshkallëzimi.
Tarifa të reja për 90+ vende
Trump ka shpallur valën më të madhe të tarifave deri tani, që prek më shumë se 90 vende.
Kanadaja dhe Meksika
Kanadaja do të përballet me një tarifë 35% për mallrat e saj.
Meksika do të vazhdojë të paguajë tarifat aktuale edhe për 90 ditë të tjera, duke shmangur për momentin një rritje të ngjashme.
Pritet përshkallëzim
Ekspertët paralajmërojnë se këto masa mund të çojnë në:
Rritje të çmimeve për konsumatorët amerikanë;
Kundërmasa nga partnerët tregtarë;
Ndikime të mundshme negative në ekonominë globale dhe në zinxhirët e furnizimit./L.F-dritare.net
