Jam 24 vjeç dhe kam frikë nga vdekja. Si përgjigjet psikologia Bekteshi!
E Hënë 23 Qershor 2025, 11:11
Dritare.net
Përshëndetje Dritare.net dhe Psikologe Enertila. Unë që ju drejtohem jam një vajzë 24 vjeç e cila kam filluar të kem frikë nga vdekja. E mendoj shumë shpesh vdekjen. Kjo po më frikëson. Doja një këshillë nga ju, si t’i heq këto mendime? Faleminderit!
Psikologe Enertila Bekteshi, përgjigjet!
Përshëndetje lexues të Dritare.net. Frika nga vdekja mund të na përndjekë, duke shkaktuar një ankth të vërtetë vdekjeje, ose mund të manifestohet në mënyrë indirekte. Duke mbetur nën sipërfaqe, mendimi i vdekjes bëhet një prani e errët, por destabilizuese, e cila në raste ekstreme mund të shkaktojë një shpërthim tmerri që pengon çdo lumturi dhe përmbushje. Fobia nga vdekja mund të ndryshojë të gjithë jetën tonë . Të menduarit gjithmonë për vdekjen dhe pasojat e saj të mundshme ka pasoja të rëndësishme në jetë . Shpesh ata që kanë frikë nga vdekja shfaqin sulme ankthi ,sulme paniku ,mendime për vetminë, tension dhe dridhje.
Frika nga vdekja në kulturën tonë është tabu. Ne duke mos folur shumë për vdekjen ushqehet ankthi i vdekjes dhe ndjenja e vetmisë. Frika nga vdekja mund të jetë e zakonshme në disa situata në të cilat, pak a shumë drejtpërdrejt, përballemi me vdekjen. Këto situata frike për vdekjen mund të mendohen pas një zie, përvojës së një sëmundjeje të rëndë ose frikës së vdekjes para një operacioni të rëndësishëm, në këto raste është normale të mendosh për vdekjen dhe të ndiesh ankth . Vdekja është e frikshme sepse ne të gjithë e dimë se do të vdesim por derisa të jemi të përfshirë ngushtë, kjo vetëdije nuk duket se na shqetëson.
Megjithatë, perceptimi konkret i vdekjes na ndihmon të kuptojmë ekzistencën tonë, të vërejmë se si po e jetojmë jetën tonë dhe na lejon ta marrim atë në duart tona. E dashur lexuesja jonë për të kapërcyer frikën nga vdekja duhet të filloni të jetoni. Vdekja na kujton se kemi kohë të kufizuar , por mbi të gjitha se, nëse nuk jemi në gjendje të vdesim, domethënë të heqim dorë nga ajo që na sjell vuajtje dhe dhimbje, atëherë nuk do ta kuptojmë kurrë se si të ndalojmë së menduari për vdekjen dhe të fillojmë të jetojmë. Prandaj, të mos kesh frikë nga vdekja do të thotë të kuptosh se frika nuk e pengon vdekjen, por jetën . Në këndvështrimin tim e dashur lexuesja jonë për situatën tuaj unë do t’ju sugjeroja se duhet të mendoni se vdekja nuk duhet të jetë e frikshme, por na ndihmon të kuptojmë se jeta është një dhe ta jetojmë atë plotësisht në të tashmen.
Vdekja është një përvojë që nuk mund të shtyhet duke mbajtur mend se jeta jonë ka një fund, ne mund të shfrytëzojmë çdo mundësi , të jemi mirënjohës për atë që jemi dhe të gëzohemi me atë që kemi . E dashur lexuesja jonë vdekja na bën të ndryshojmë perspektivën tonë dallimi midis asaj që është aksesore dhe asaj që është themelore na ndihmon t'u japim vlerën e duhur gjërave. Shpesh, pikërisht kur kemi frikë nga jeta, na pushton frika e vdekjes. Sa më shumë i shpëtojmë vdekjes, aq më pak mësojmë të kuptojmë se ajo nuk është vetëm pjesë e jetës, por është gjithashtu thelbësore për të na kujtuar diçka shumë të rëndësishme nuk do të jetojmë përgjithmonë. Shpresoj shumë që këndvështrimi im t’ju ndihmojë sadopak në gjendjen tuaj. Gjithë të mirat!/dritare.net
