Messi shpëton Argjentinën nga eliminimi, ndryshon edhe rruga e Anglisë drejt finales
Tuesday 7 July 2026, 21:09
Dritare.net
Lionel Messi ishte protagonisti absolut në fitoren dramatike 3-2 të Argjentinës ndaj Egjiptit në fazën e 1/8-ave të Kupës së Botës, duke shmangur eliminimin e kampionëve në fuqi dhe duke ndryshuar edhe skenarin e mundshëm të rrugëtimit të Anglisë drejt finales.
Argjentina ishte në disavantazh 2-0 deri në minutën e 79-të, por brenda 14 minutave përmbysi gjithçka. Pasi humbi një penallti më herët, Messi dha asistin për golin e Cristian Romero, më pas shënoi golin e barazimit me një goditje spektakolare, ndërsa Enzo Fernandez realizoi golin e fitores në kohën shtesë.
Pas vërshëllimës përfundimtare, Messi dhe disa prej bashkëlojtarëve të tij u panë në lot, të emocionuar për kualifikimin në çerekfinale.
Ky rezultat ndikon edhe tek Anglia, e cila, nëse kalon Norvegjinë, mund të përballet me Argjentinën në gjysmëfinale. Në garë për atë vend mbeten gjithashtu edhe Kolumbia dhe Zvicra./dritare.net
