Nigel Farage jep dorëheqjen si deputet mes skandalit të donacioneve, rikandidon në zgjedhje
Tuesday 7 July 2026, 16:04
Dritare.net
Lideri i Reform UK, Nigel Farage, ka dhënë dorëheqjen nga mandati i deputetit, duke shkaktuar zgjedhje të parakohshme në zonën elektorale të Clacton-on-Sea, ku ka njoftuar se do të kandidojë sërish.
Vendimi vjen në kulmin e polemikave mbi financimin e tij, pasi Farage po përballet me hetime për donacione të padeklaruara, përfshirë një dhuratë prej 5 milionë paundësh nga investitori i kriptomonedhave Christopher Harborne dhe mbështetje të dyshuar nga aleati i tij George Cottrell, i dënuar më parë për mashtrim. Farage mohon çdo shkelje dhe këmbëngul se nuk ka bërë asgjë të paligjshme.
Në deklaratën e tij, Farage tha se zgjedhjet e parakohshme do të jenë një betejë mes “popullit dhe establishmentit” dhe se synon të vazhdojë “revolucionin politik” të nisur nga Reform UK.
Ndërkohë, spekulimet se Farage mund të tërhiqej përkohësisht nga drejtimi i partisë janë zbehur pas njoftimit të tij, pasi ai ka zgjedhur të kërkojë një mandat të ri nga votuesit në vend që të largohet nga politika./K.C/dritae.net
