Shkodër/ Atentati me armë zjarri plagos edhe dy persona të rastësishëm
E Hënë 8 Shtator 2025, 10:10
Dritare.net
Atentati i armatosur që ndodhi mëngjesin e sotëm pranë shkollës “Kole Idromeno” në Shkodër ka lënë pasoja edhe për qytetarë të pafajshëm. Përveç shënjestrës së dyshuar dhe njërit prej viktimave, në breshërinë e kallashnikovit u plagosën edhe dy persona të rastësishëm.
Mes të plagosurve është një grua, kamariere në lokalin ku ndodhi sulmi, e cila po trajtohet në spital jashtë rrezikut për jetën. Po ashtu, një tjetër qytetar u lëndua gjatë të shtënave dhe aktualisht ndodhet nën kujdesin e mjekëve.
Ngjarja e rëndë, ku humbën jetën Armando Pali dhe Geridon Kraja, ka tronditur opinionin publik në Shkodër. Policia arrestoi autorin e dyshuar të sulmit, Rakip Gila, 28 vjeç, ndërsa hetimet po vijojnë për të sqaruar motivet e atentatit./L.F-dritare.net
