SPAK: Asnjë anëtar i KLP-së nuk është nën hetim
E Premte 5 Dhjetor 2025, 12:12
Dritare.net
Struktura e Posaçme Kundër Korrupsionit dhe Krimit të Organizuar (SPAK) ka reaguar ndaj disa deklaratave të përhapura në media, duke mohuar çdo informacion që sugjeron se anëtarë të Këshillit të Lartë të Prokurorisë (KLP) janë objekt hetimi, vëzhgimi apo përgjimi.
Në deklaratën e saj, SPAK thekson se nuk ka kryer dhe nuk kryen asnjë veprim hetimor që të ndikojë apo të ndërhyjë në vendimmarrjen e KLP-së, përfshirë edhe proceset zgjedhore të brendshme.
Struktura shton se deklarimet e pabazuara përbëjnë spekulim të pastër, të cilat nuk kanë mbështetje ligjore dhe janë të destinuara për të keqinformuar publikun dhe për të dëmtuar imazhin e SPAK-ut.
Deklarata vjen në një kohë kur disa raportime mediatike sugjeruan pa prova se KLP mund të ishte nën presion hetimor, të cilat janë konsideruar të pasakta dhe të dëmshme për besueshmërinë e institucioneve./L.F-dritare.net
