PS mbledh qeverinë dhe grupin parlamentar të shtunën
Thursday 18 June 2026, 18:06
Dritare.net
Partia Socialiste do të zhvillojë këtë të shtunë një mbledhje të zgjeruar të Grupit Parlamentar Socialist, ku do të marrin pjesë edhe anëtarët e qeverisë. Takimi do të mbahet në Pallatin e Brigadave, duke nisur nga ora 10:00.
Në njoftimin e shpërndarë për deputetët thuhet: "Ditën e shtunë, më 20.06.2026, në orën 10:00, në Pallatin e Brigadave, do të zhvillohet Mbledhja Mujore e Zgjeruar e Grupit Parlamentar Socialist. Axhenda e mbledhjes do t’ju dërgohet në vijim."
Kjo është mbledhja e parë e socialistëve që prej nisjes së protestave në Tiranë, si edhe pas largimit të deputetes Marjana Koçeku nga grupi parlamentar i PS-së, e cila vijon mandatin si deputete e pavarur./K.C/dritare.net
